డబ్బిస్తే ఈవీఎంలను ట్యాంపరింగ్ చేస్తాం.. కాంగ్రెస్ అభ్యర్థికి సాఫ్ట్‌వేర్ ఇంజినీర్ ఫోన్!
- అనుకూలంగా ఫలితాలొచ్చేలా చూస్తాం
- ఒక్కో ఈవీఎంకి రూ.2.5 లక్షలు
- గ్వాలియర్‌కు అభయ్ జోషి
- అరెస్ట్ చేసిన పోలీసులు
డబ్బిస్తే ఈవీఎంలను ట్యాంపర్ చేస్తామని చెప్పి ఓ సాఫ్ట్ వేర్ ఇంజనీర్ సంచలనం రేపారు. ఇప్పటికే ఈవీఎంలను ట్యాంపరింగ్ చేస్తున్నారంటూ కొందరు అభ్యర్థులు ఆందోళన వ్యక్తం చేస్తుండగా ఈ వ్యాఖ్యలు మరింత కలకలం రేపాయి. మధ్యప్రదేశ్‌లోని బింద్ నియోజకవర్గం నుంచి పోటీ చేస్తున్న కాంగ్రెస్ అభ్యర్థి రమేశ్ దూబేకు ఢిల్లీకి చెందిన ఓ సాఫ్ట్‌వేర్ ఇంజినీర్ ఫోన్ చేసి ఈవీఎంలలో మీకు అనుకూలంగా ఫలితాలొచ్చేలా చూస్తామని.. దీనికి ఒక్కో ఈవీఎంకి రూ.2.5 లక్షల చొప్పున తీసుకుంటామని తెలిపారు. దీంతో ఆ వ్యక్తిని రమేశ్.. మధ్యప్రదేశ్‌కు రమ్మన్నారు. అనంతరం పోలీసులకు ఫోన్ చేశారు.
ట్యాంపరింగ్ విషయమై మాట్లాడేందుకు ఢిల్లీ నుంచి అభయ్ జోషి (30) అనే వ్యక్తి గ్వాలియర్‌ రైల్వే స్టేషన్‌కు వచ్చారు. రమేశ్ కూడా అక్కడికి వెళ్లి ఆయనతో మాట్లాడారు. తాము ఏ విధంగా ఈవీఎంలను ట్యాంపరింగ్ చేస్తారో రమేశ్‌కు అభయ్ వివరించాడు. తన సెల్‌ఫోన్‌లో ఇందుకు సంబంధించిన ఓ దృశ్యాన్ని కూడా చూపించాడు. ఇందుకు ఒక్కో ఈవీఎంకు 2.5 లక్షలు తీసుకుంటామని తెలిపాడు.
ఇంతలోనే రైల్వే స్టేషన్‌కు చేరుకున్న పోలీసులు నిందితుడిని అరెస్ట్ చేశారు. ఈ కేసుపై గ్వాలియర్‌ ఎస్పీ నవనీత్‌ భాసిన్‌ మాట్లాడుతూ... జోషిని విచారిస్తున్నామని, పోలీసులను ఢిల్లీకి పంపి అతని ఇంట్లోనూ సోదాలు నిర్వహిస్తామన్నారు. డబ్బు కోసమే అభ్యర్థులను ట్యాంపరింగ్ పేరుతో నమ్మించే ప్రయత్నం చేస్తున్నాడని ఎస్పీ తెలిపారు.
ట్యాంపరింగ్ విషయమై మాట్లాడేందుకు ఢిల్లీ నుంచి అభయ్ జోషి (30) అనే వ్యక్తి గ్వాలియర్‌ రైల్వే స్టేషన్‌కు వచ్చారు. రమేశ్ కూడా అక్కడికి వెళ్లి ఆయనతో మాట్లాడారు. తాము ఏ విధంగా ఈవీఎంలను ట్యాంపరింగ్ చేస్తారో రమేశ్‌కు అభయ్ వివరించాడు. తన సెల్‌ఫోన్‌లో ఇందుకు సంబంధించిన ఓ దృశ్యాన్ని కూడా చూపించాడు. ఇందుకు ఒక్కో ఈవీఎంకు 2.5 లక్షలు తీసుకుంటామని తెలిపాడు.
ఇంతలోనే రైల్వే స్టేషన్‌కు చేరుకున్న పోలీసులు నిందితుడిని అరెస్ట్ చేశారు. ఈ కేసుపై గ్వాలియర్‌ ఎస్పీ నవనీత్‌ భాసిన్‌ మాట్లాడుతూ... జోషిని విచారిస్తున్నామని, పోలీసులను ఢిల్లీకి పంపి అతని ఇంట్లోనూ సోదాలు నిర్వహిస్తామన్నారు. డబ్బు కోసమే అభ్యర్థులను ట్యాంపరింగ్ పేరుతో నమ్మించే ప్రయత్నం చేస్తున్నాడని ఎస్పీ తెలిపారు.
